Проекти
Иницијативи за зелена енергија во Радовиш: Green Heat и Енергетски ефикасен регион.
Green Heat – Зелена топлина
Воведување ефикасна услуга за централно греење, ориентирана кон потрошувачите, преку мала дистрибутивна мрежа базирана на обновливи извори на енергија.
Општа цел: современа, еколошка, општинска услуга за греење на јавни згради, која ќе придонесе за подобри услови за живот на локалното население преку воспоставување на пилот-единица во Општина Радовиш.
ELRAD Energy го надгледува поставувањето и работењето на топлински пумпи воздух–вода во петте јавни објекти во градот.
Проектот накратко
| Носител | Општина Радовиш |
| Партнер | ЦеПроСАРД Скопје |
| Придружни партнери | ЈП Плаваја – Радовиш; Град Белишче (Хрватска) |
| Сектор | Енергетска ефикасност |
| Времетраење | 40 месеци |
| Вкупен буџет | 909.288,35 EUR |
| Финансирање | Кофинансиран од Европската Унија |
Специфични цели
- Воведување иновативен, репликативен модел на услуга за централно греење, преку зголемена употреба на локално достапни ресурси.
- Зајакнување на капацитетите на клучните надлежни чинители за ефикасна транзиција кон современи и позелени услуги за греење на локално ниво.
- Промовирање на климатски ориентирани, напредни решенија за испорака на услуги кои стимулираат позелена локална економија.
Очекувани резултати
- Воспоставено напредно, репликативно решение за централно греење кое користи повеќе обновливи извори на енергија на 5 општински згради.
- Јавната администрација ги има потребните знаења и вештини за планирање, следење и испорачување на новата услуга на одржлив начин и за промовирање на нејзината одржливост во други општини.
- Зајакната јавна свест за економските, социјалните и еколошките придобивки од централното греење базирано на обновливи извори на енергија.
Јавни објекти во проектот
- Детска градинка „Ацо Караманов“
- ООУ „Крсте Петков Мисирков“
- СОУ „Коста Сусинов“
- Спортска сала „25 Мај“
- Општинска административна зграда
Планирани активности
- Воведна фаза – истражувања и анализи, вклучително анализа на искористување на високоефикасни алтернативни системи за централно греење базиран на обновливи извори на енергија.
- Формирање на Локална група на клучни чинители за учество во процесите на донесување одлуки поврзани со новата услуга (6 средби).
- Воспоставување на услуга за централно греење во Радовиш преку мал, еколошки систем за греење базиран на обновливи извори на енергија.
- Градење на капацитетите на клучните чинители и трансфер на know-how.
- Промотивни активности за подигање на јавната свест, вклучително студиски посети на пилот-единицата од претставници на други општини.
Енергетски ефикасен регион
Проект поддржан од SDC (Швајцарската агенција за развој и соработка).
Цел: искористување на сончевата енергија за производство на струја.
Фотографии
Од првата средба на локалната група на клучни чинители за проектот Green Heat (26 април 2023).